Nivoatra be ilay rivodoza Fabien ka lasa «forte tempête tropical modérée», omaly, araka ny nambaran’ny mpamantatra ny toetry ny andro, etsy Ampandrianomby. Mizotra mianatsimo andrefana ny diany.
Tsy mbola ahiana amin’ ny toetr’andro eto Madagasikara i Fabien. Tombanana tsy dia hihetsika izy hatramin’ny alakamisy ary heverina hiverina hianatsimo atsinanana aorian’izay. Arahi-maso akaiky hatrany anefa ny diany sy ny fivoarany.
Misy rindrin-drahona misesy kosa mandalo ao atsimon’ny Nosy ka izay no mandrafitra ny toetry ny andro amin’ity herinandro ity. Hisy varatraza amin’ny alarobia ary hiverina indray ny rindrin-drahona aorian’izay.
Hisy ny zavona amin’ny afovoan-tany amin’ny maraina ary handrahona ny tapany atsimo sy atsimo andrefana. Ho an’ny maripana, 25°C ny afovoan-tany ary hanodidina ny 35°C any avaratra andrefana. Hitohy hatramin’ny alarobia ny rahona hitoetra amin’ny afovoan-tany sy ny zavona amin’ny maraina. Hisy tandrifin-drahona kosa amin’ny alakamisy any avaratra atsinanana noho ny fikorontanan’ny atmosfera.
Tatiana A
French