Hotanterahina anio alarobia, ny lalao manasa-dalana miverina amin’ny fiadiana ny ho tompondakan’i Eoropa “Ligue des Champions 2023”, taranja baolina kitra. Anisan’ny fihaonana tena andrasan’ny maro ny fifanandrinan’ny Manchester City, Anglisy sy Real Madrid, Espaina. Izany dia hatao ao amin’ny Etihad Stadium.
Tsiahivina fa nandritra ny dingana voalohany, notontosaina tao Santiago Bernabeu, ny 9 mey lasa teo, nisaraka ady sahala, 1 no ho 1, ny roa tonta. Mbola miezaka manala vela ny anglisy satria notampahan-dRy Benzema sy ry Vinicus ary Rodrygo, mpilalaon’ny Real ny nofinofin’izy ireo tamin-taon-dasa.
Marihina fa afaka milalao amin’izay i Eder Militao, vodilaharan’ny Madrilenina. Vonona tanteraka ny hampiseho ny fahaizany mampiditra baolina kosa i Erling Haaland, lohalaharan’ny Manchester City.
Fitia (Mpianatra asa)
French