Hahazo vahana indray ny tontolon’ny «country» amin’ ny faran’ity herinandro ity. Mpanakanto manana traikefa matanjaka amin’izany no hiray sehatra, etsy amin’ny Le Zoma Antaninandro, rahampitso, manomboka amin’ny 7 ora sy sasany hariva. «Cabaret country», hiarahana amin’i Boboh Mahavanona, Fidy sy Liva (tarika Tsiakoraka), Anna, Haja Country. Nasaina manokana i Parson Jacques sy i Johnny Bass.
“Fampisehoana tsy hanampaharoa tokoa izy ity ary fotoana iray toa zato ihaonana indray amin’ny mpankafy ny mozika malagasy, indrindra ny country. Hanome ny mahafinaritra tanteraka izahay amin’io andro io”, araka ny nambaran’ireo mpanakanto.Marihina fa anisan’ny mpanakanto manana feo misongadina eo amin’ny tontolon’ny hira ireto tafaray eny an-tsehatra ireto.
HaRy Razafindrakoto
French