Hiatrika ny lalao maneran-tany amin’ny taranja basikety “Fiba World Cup U-19”, izay hatao any Debrecen, ny 24 jona- 2 jolay ho avy izao, ny Ankoay lahy. Araka ny fanadihadiana natao, hisy mpitily matihanina “agents recruteurs” hijery amin’io fotoana io. Araka ny filazan’Andriantsarafara Lovasoa, kapitenin’ny Ankoay, fotoana fanararaotana hampisehoana ny talenta ny Mondial ka hiezaka mafy izy ireo.
“Miankina amin’io lalao maneran-tany io ny hoavin’ ireo malagasy mpilalao ireo, ka tokony hiezaka mafy izy ireo hampiseho ny tsara indrindra avy aminy”, hoy Randria Aimé, mpanazatra ny Ankoay zandriny. Tsiahivina fa ao amin’ny vondrona B ny ekipa malagasy, miampy an’i Etazonia, Liban, Slovenia.
Efa manao fanazaran-tena ny Ankoay, ary azo antoka fa hampiseho ny heriny mandritra io fotoana io ry Mathias M’Madi sy Donovan, mpilalao mila ravinahitra any ivelany.
Fitia (mpianatra asa)
French