Taorian’ilay fandresentsika, tamin’ny isa 2 no ho 1 nanoloana an’i Cameroun, nahazo vokatra tsara indray ny ekipam-pirenena malagasy, taranja tenisy, sokajy vehivavy, ny talata lasa teo. Nomontsanin’ny ekipam-pirenena malagasy, tamin’ny isa 3 no ho 0, ny mpilalaon’i Lesotho, nandritra ny andro faharoa amin’ny fifaninanana «Billie Jean King Cup».
Lavon-dRanaivo Narindra, tamin’ny seta 2 no ho 0, (6/0, 6/0) i Manyama Maisa, teo amin’ny lalao simple 2. Nandresy an’i Kamohelo Khabele, tamin’ny seta 2 no ho 0, ( 1/6, 0/6 ) koa i Voaviandraina Harena, lalao simple 1. Resin-dry Ranaivo Mialy sy Andraina Mitia, tamin’ny seta 2 no ho 0, (6/0, 6/0) ry Kekeletso Moseme sy i Seapei ary Senatla, nandritra ny fihaonana “double décisive”.
Araka izany, fandresena roa izay no azon’ny mpilalao malagasy. Nihaona tamin’i Sénégal moa izy ireo, omaly, saingy mbola andrasana ny vokatra. Marihina fa ao amin’ ny groupe 4 ny ekipam-pirenena malagasy ary izay tompondaka ihany no miakatra groupe 3. Tsiahivina fa ankoatra ny lalao maneran-tany, sokajy vehivavy, hiatrika ny “Davis Cup”, Mondial ihany koa ny lehilahy. Tsara ny mampahafantatra fa natao hanomanana ny lalaon’ny Nosy izay hatao eto amintsika ny 23 aogositra-3septambra ho avy izao, ireo fifaninanana roa ireo.
Fitia (Mpianatra asa)
French