Tontosa, omaly, tao amin’ ny kaominina an-dRenivohitra Mananjary, ny fampisehoana “Soava lala”, tantara an-tsehatra sy teatra ifarimbonana. Ny ONG Tokontany iraisana no mpikarakara ny hetsika. Tanjona ny hanaovana ny kolontsaina sy ny zavakanto ho fitaovana ahafahana mampita fanabeazana sy fahalalana. Fahombiazana no azo tamin’ny fampiasana ny teatra ifarimbonana, nandritra ny hetsika natao tamina toerana maro tany amin’ny faritra Atsimo Andrefana. Hanomboka hisehatra amin’iny faritra Fitovinany iny indray ny mpikarakara ary vina ny hanatanterahana hetsika amin’ny faritra rehetra.
Fomba iray hoentina mampita hafatra sy mitondra vahaolana amin’ny famahana ny disadisa ny teatra ifarimbonana. Lohahevitra trandrahina sy fanao matetika amina he-tsika ny momba ny herisetra samihafa. Ezahina ao anatin’ izany ny hitarihana ny sain’ny mpijery hisaina vahaolana hoenti-manatsara na hisorohana ny olana.
Lin (Mpianatra asa)
French