Hahazo ny anjarany amin’ny « Star Tour » koa ny eto Antananarivo. Taorian’ny tany Antsirabe, hotontosaina etsy amin’ny Coliseum Antsonjombe ny « Star Tour Tanà », ny 23, 24 ary 25 jona izao. Natao hifanandrify indrindra amin’ny fanamarihana ny fetim-pirenena izany, ho fampifaliana ny mpianakavy, raha ny filazan-dry zareo mpikarakara avy ao amin’ny Star, omaly, tetsy Andraharo.
Telo andro an-danonana, hampiarahana ny fampisehoana goavana, ny lalao isan-karazany, ny karazam-pialamboly maro ary ny vokatra Star ireo. Tarika kalaza miisa 7 no hanafana ny sehatra lehibe, ka hanokatra izany ry Mad Max sy ny tarika AmbondronA, ny zoma 23 jona. Hanohy izany kosa i Ceasar sy Lion Hill, ny sabotsy 24 jona. Hofaranan-dry LJo, Stéphanie ary Samoëla ny seho, ny alahady 25 jona. Hifandimby hanentana sy hanafana ny fotoana mandritra ireo telo andro ireo ry Fou hehy, Barhone sy ireo mpikosoka kapila toa an-dry MPX, Dj Loom’s ary Dj Gova.
Zo ny Aina
French