TSELATRA

Lehilahy lehibe iray 77 taona nosamborin’ny polisy tao Toliara, ny faran’ny herinandro teo fa Nanolana zazavavy 8 taona. Manana fahatarana ara-tsaina io zaza io ka nohararaotin’ity lehilahy lehibe ity. Noho ny fanahiana, nentin’ny ray aman-dreniny nozahana ilay zaza. Niharan’ny fanolanana tokoa izy, araka ny fanamafisan’ny mpitsabo.
Mpangalatra moto saron’ny polisy eo anivon’ny CSP3 tetsy Anjanahary, omaly tamin’ny 1 ora maraina. Nanosika ilay moto teny amin’ny arabe, sendra ny polisy nanao fisafoana tampoka. Natao fisavana, tsy misoratra amin’ity lehilahy ity ny moto. Nentina teny amin’ny birao, voamarina fa olon-dratsy tokoa ilay voasambotra.
Roa lahy efa mpamerin-keloka amin’ny vaky trano sy halatra no naiditra am-ponja tao Soavinan­driana, ny faran’ny herinandro teo. Niditra an-tsokosoko tao amin’ny tokantrano iray, izy roa ireto, ny 11 jona lasa teo. Nandeha nivavaka ny tompon-trano tamin’io fotoana io. Voamarina ny herinandro teo fa izy roa lahy ireo no tompon’antoka.
Maty voatifitry ny dahalo mpangalatr’omby roa tao amin’ny fokontany Antsevabe, Ambatondrazaka, ny faran’ny herinandro teo. Sarona teny amin’izy roa lahy ny basy vita gasy iray. Naverina amin’ny tompony ireo omby 9 nalain’izy ireo. Anisan’ny jiolahy efa mampitondra faisana ny mponina any an-toerana izy ireo.