Hitohy ny fampitiavana ny teatra. Fahombiazana indray ny seho natolotry ny tropy Jeannette, tetsy amin’ny Tranompokonolona Analakely, ny sabotsy teo. Natokan’ny tropy ho an’ireo mpianatra ilay piesy klasika “HM”, nosoratan-dRakoto de Monplaisir.
Nivoaka ny sabotsy teo ny “Misia”, rakikira faharoan’i Reko Band. Nisy ny seho manokana tetsy amin’ny La City Ivandry. Efa-taona taorian’ny nivoahan’ny seho voalohany, tsapa ny fitomboan’ny fankafizan’ny tia mozika ny sanganasan’ny tarika.
Nisokatra ny fampirantiana «Lova tsy mifindra”. Nanomboka ny sabotsy 8 jolay 2023, eny amin’ny Hotel de Ville Analakely. Ny fitaleavana misahana ny zavakanto sy ny kolontsaina eo anivon’ny kaominina Antananarivo no mikarakara ny hetsika. Ireo kilalao fahiny no haranty ao anatin’izany.
Homarihina ny 18 jolay izao, ny “Mandela day”. Hisy ny fiffaninanana miavaka izay hanamarihana izany, eny Ankatso. Fifaninanan-kira ny voalohany. Fifaninanana fandaharan-teny maka endrika kabary anatin’ny 180 segondra kosa ny faharoa.
French