Dahalo raindahiny lavon’ny zandary tao amin’ny fokontany Tsaramandroso, distrikan’Ambato Boeny, afakomaly hariva, nangalatr’omby. Niisa dimy lahy ireo olon-dratsy. Nifanenjehan’ny mpitandro filaminana, maty voatifitra ny dahalo iray. Manohy ny fanarahan-dia miaraka amin’ny zandary ny fokonolona.
Tra-tehaky ny zandary tao Ambohimanambola ny lehilahy iray indroa sarona tamin’ny fangalarana varavarana vy, afakomaly. Efa sarona nitondra varavaramby izy talohan’izao saingy nanda ho tsy tompon’antoka. Nahazo famotsorana, niverina nanao ny asa ratsiny indray ka izao niafara amin’ny fisamborana izao.
Maty voatifitry ny jiolahy ny lehilahy iray tao Andohan’Akoditry, Antolongolongo, fokontany Tanambao, distrikan’Ambanja, omaly. Niaraka tamin’ireo vatan-dehilahy nanara-dia ireo jiolahy avy nanafika tao an-tanàna, izy. Nitondra fitaovam-
piadiana mahery vaika anefa ireo olon-dratsy ka nitifitra.
Raim-pianakaviana 71 taona namoy ny ainy vokatry ny haintrano, tao Antaniavo Antsirabe, ny
alin’ny alarobia teo. Tamin’ny 11 ora sy sasany alina, niredareda ny afo ka nifamonjen’ny manodidina. Nanampy nifehy izany ny mpamonjy voina. Maty vokatr’io firehetana io anefa ilay raim-pianakaviana.
French