Vita tanteraka ny fanarenana ny fefiloha manamorona ny renirano eny Antsapanana Ambohitrimanjaka. Nosahanin’ny tetikasa Produir izany ahafahana miatrika ny taom-pahavaratra izay mahamafy ny tosiky ny rano. Ilaina ny fikojakojana ny fotodrafitrasa vita ary manana anjara amin’izany ny rehetra mba haharetan’izy ireny.
Nasiam-panamboarana koa ny fefilohan’i Sisaony havanana eo Ambohimangidy, ny fefilohan’Ankady havanana, Ankeniheny Tanjombato sy ny moron’ny fefilohan’Ikopa havanana. Natao manaraka ny fenitra sy mafy orina izany hahatanty ny fivarinan’ny riaka.
Mampitondra takaitra maro ho an’i Madagasikara sy ho an’Antananarivo ny fandalovan’ny rivodoza, anisan’izany i Batsirai sy Emnati, tamin’ny volana febroary 2022. Mbola mizaka ny takaitra ny fotodrafitrasa maro amin’izao fotoana, indrindra ny fefiloha miaro an’Antananarivo efa narefo rahateo ny ampahany. Nandray andraikitra ny tetikasa Produir nanarina ireo fefiloha simba rehetra ary efa vonona hiatrehana ny fotoam-pahavaratra.
Tatiana A
French