Nesorina ireo fako mitoby eny amin’ny boriborintany eto Antananarivo. Nisahana izany ny SMA.
Nodiovina sy nesorina avokoa ny fako teo anivon’ny boriborintany rehetra eto Antananarivo Renivohitra, ny faran’ny herinandro lasa teo. Nanatanteraka izany ny teo anivon’ny sampandraharaha misahana ny fanadiovana ny fako (SMA). Nohetsehina avokoa ireo kamiao 21, izay nahavita asa fitaterana fako teo amin’ny fihodinana inefatra sy indimy teo ny tsirairay avy tamin’izany. Nahavita fihodinana 30 ireo kamiao nanao “opération coup de poing”. Nahatratra sy nahavita hatramin’ny 472,39 t izy ireo tao anatin’izay. Manodidina ny 114 ireo olona nahetsika nanao ny fanadiovana. Voakasiky ny fanadiovana ny teny Ambatolampy, Ambohimanarina tsena sy Ambohimanarina Anosisoa ho an’ny eo anivon’ny boriborintany fahenina. Natao teny Ampatsakana, Ampefiloha (ex mini-market) ary Andavamamba ny eo anivon’ny boriborintany voalohany. Teo Andravoahangy sy Ambodivona kosa izany ho an’ny boriborintany fahatelo. Nahazo tombony betsaka indrindra tamin’ny hetsika ny boriborintany fahadimy teny Amboditsiry. Teny Anosibe kosa ho an’ny boriborintany fahefatra. Nampahatsiahy ny CUA fa manomboka amin’ny 4 ora hatramin’ny 8 ora alina ny fotoana fanariam-pako.
Mino
French