Nahatanteraka soniam-piaraha-miasa roa ny masoivohon’ ny japone, omaly, tetsy Analamahitsy. Nanao izany, ny Ambasadin’i Japon miasa eto Madagasikara, ABE Koji sy ireo mpitantana ny sekoly avy amin’ ny Lisea Vinaninkarena Antsirabe sy ny Epp Andohatapenaka. Ahafahana manangana trano vaovao ho an’ny lisea Vinaninkarena sy hanitarana sy hanarenana ny sekoly ho an’ny EPP Andohatapenaka ny tetikasa. Tanjona ny hanatsara ny seha-panabeazana ho an’ny ankizy mandranto fianarana. Mitentina 141 038 Euros ny fanomezana avy amin’ity masoivoho ity, hanaovana izany. “Manampy betsaka ny seha-panabeazana sy hanampiana ireo mpianatra hanohy ny fianarany hatramin’ny farany ny tetikasa”, hoy ny proviseur ny Lisea Vinaninkarena, Miarintsoa Sedra Tolisoa. Vonona ny hitandrina sy hanaja ireo fotodrafitrasa goavana izy ireo. Nohamafisiny fa hisy akony lehibe amin’ny fanabeazana ny zaza malagasy ary ho andrin’ny firenena izany. “Naharitra aman-taona maro ny fiaraha-miasa teo amin’ny firenena malagasy sy ny governemanta japone, nahazo tombony betsaka tamin’izany, ny lafiny fanabeazana”, hoy ny sekretera jeneralin’ny Fanabeazam-pirenena, Rabenandrasana Téophil. Tafiditra anatin’ny fandaharanasa hanampiana ireo tetikasa madinika eto an-toerana ho fiarovana ny maha olona.
Mino
French