1 500 ny tily eto Madagasikara mandray anjara amin’ ny lalao nasionaly Tendro. Maharitra hadimiana ny lalao. Tanjona amin’izany ny hanosika hatrany ny kolontsaina skoto sy hanaovana tombana ny vokatry ny fanabeazana skoto tao anatin’ny telo taona farany, hoy ny fanazavan’ny tomponandraikitra. Efa nifarana ny talata lasa teo ny hetsika, tany Fianarantsoa.
Fotoana hampisehoan’ny tanora skoto ny fahaiza-manaony sy ny fiaraha-mientany ny lalao ary tsy hadinoina ny soatoavina amin’ny maha skoto. Nizara ny toerana nanatanterahana ny lalao arakaraka ny sokajin-taona: tao Mahazengy sy Andranovorivato, nisy dia an-tongotra nampitohy an’Ambohimahasoa sy Fianarantsoa ho an’ny sasany ary foara ho an’ny tetikasa notanterahina teo amin’ny Lapan’ny tanànan’i Fianarantsoa natokana ho an’ireo efa nahazo taona.
Rehefa manao lalao na hetsika ny skoto dia natao hifandraika amin’ny fanatrarana ny tanjon’ny fampandrosoana lovain-jafy sy hitondra fivoarana ho an’ny mpiara-belona hatrany. Niaraka nilalao ny sokajy avy amin’ny faritra samihafa. Feno 30 taona ny lalao nasionaly Tendro, natomboka ny taona 1993. Tsy tanteraka ny hetsika tokony ho natao ny taona 2020 noho ny fisian’ny valanaretina Covid-19 teto amintsika.
Vonjy
French