Fitaizam-batana: mahasarika ny mpanjifa ny vokatra natoraly

Hiara-hiasa ny Akademia nasionalin’ny fanatanjahantena (ANS) Ampefiloha sy ny Vondrona JCR misehatra amin’ny fitsaboana sy fiarovana avy amin’ny zavamaniry eto Madaga­sikara mitondra ny anarana Vaniala. Nosafidiana manokana ny ANS satria toerana ahitana ivontoerana fitaizam-batana sy fanaovana fanatanjahantena ary fanabeazana tanora maro, hoy ny tale jeneraly lefitra ao amin’ny vondrona JCR, Raba­rioe­lina Zo. Tsy vitsy rahateo ny mpanao fanatanjahantena manoman-tena ao mialoha ny fifaninanana samihafa ka hanampy azy ireo ny vokatra napetraka ao amin’ny ivontoe­rana manokana ao amin’ny ANS. Manome endrika ny tanàna ny fisian’ny ivontoerana Vaniala ary hitondra fampandrosoana ny fanatanjahantena ny fifanatonan’ny roa tonta, hoy ny tomponandraikitry ny ANS Ampefiloha.
Natomboka amin’ity taona ity ny fifanarahana fiaraha-miasa. Tsy miteraka tranga hafa (effet secondaire) ny vokatra natoraly satria akora tsy misy fangaro simika no hanamboa­rana azy ary vokatra eto amintsika avokoa. Manana labora­toara rahateo ny JCR.

Vonjy