TARATRY ny KANTO

Tsy raikitra ny “Top Gasy”. Fampisehoana goavana nokasaina hotontosaina anio, ao amin’ny Lapan’ny fanatanjahantena Mahamasina izy ity. Noho ny toe-draharaham-pirenena no voalazan’ny mpikarakara fa nanafoanana izany. Tombanana kosa ho nanampy trotraka ny tsy fahafahan’ireo mpanakanto, izay manao fampielezan-kevitra ny ankamaroany. Saika ireo mpanakanto malaza amin’izao fotoana mantsy no nalahatry ny mpikarakara
“Miss&Mister malagasy”. Tanterahina anio, ao amin’ny Millénaire à Savigny-le-Temple, Frantsa, ny fifaninanana «Miss&Mister malagasy». Fifanina­na­na natokana ho an’ny Malagasy tanora, monina ao Eoro­pa. Tovolahy sy tovovavy miisa 15 avy no mifaninana izay handrombaka izany anaram-boninahitra izany.
“Atrikasa Scratch”. Tanterahina eny amin’ny IFM Analakely, manomboka ny 6, 7 ary 10 novambra 2023, ny atrikasa “Scratch”, hetsika tafiditra ao anatin’ ny “Novembre numerique” eny amin’ny IFM. Fampa­hafantarana sy fampianarana ny eo amin’ny tontolon’ ny fikosehina kapila no ampiofaninan ao anatin’izany atrikasa izany.
Fampirantiana haikanto. Manomboka miverina ny fahavitrihan’ny mpahay kanto isan-karazany maneho ny haikantony. Taratra izany ny hamaroan’ ireo fampirantiana hita eny amin’ny ivontoeran’ny kolontsaina maro samihafa. Toy ny hosodoko, sary pika, haikanto ankehitriny.