Mpitondra bisikileta iray maty tsy tra-drano voadonan’ny fiara tsy mataho-dalana teny Androndrakely, boriborintany faharoa, afakomaly. Nandeha mafy ilay fiara. Tsy voafehin’ny mpamily tampoka ny familiana ka nifatratra tamin’ilay mpitondra bisikileta teo alohany.
Votsotra teny am-pelatanan’ny dahalo ny omby 20 tao tao Andriamavo, fokontany Ambalavelona, kaominina ambanivohitra Bekobay, distrikan’ i Mahajanga II, afakomaly. Nalain’ny dahalo telo lahy ireo omby am-polony ireo ka raikitra ny fanarahan-dia. Vokany, latsaka teny amin’ireo dahalo avokoa ireo omby halatra.
Lehilahy mamon-drongony nampihorohoro zandary ka voasambotra tao Ambara, fokontany Orangea Dzamandzar, Nosy Be, ny herinandro lasa teo. Nikasa handoro tranon’olona io lehilahy io. Nanambana antsy ny zandary handamina ny raharaha koa io lehilahy io ka nosamborina. Voatifitra teo amin’ny tongony izy rehefa saika hamono mpitandro filaminana. Tsy nahina ny ainy.
Mpamaky trano telo lahy voasambotry ny zandary tao amin’ny fokontany Soanierana, kaominina Ambohimalaza Miray, ny faran’ny volana oktobra teo. 11 volana taorian’ny nitrangana vaky trano, tao amin’io kaominina io, mbola tratra tao amin’izy telo lahy ireo ny entana halatra. Naiditra am-ponja avokoa ireo telo lahy sarona ireo.
French