Niharan-doza ny taksiborosy nitondra ireo zandary 13 lahy mpiana-draharaha avy ao amin’ny andiany faha-77 tao Malaimbandy, omaly. Vaky kodiarana ny fiara ka nivadibadika. Zandary efatra naratra.
Lehilahy iray namoy ny ainy vokatry ny lozam-pifamoivoizana teny amin’ny lalam-baovao mihazo an’Ivato, afakomaly alina. Mpitondra moto io lehilahy io . Nifandona tampoka tamin’ny kamiao ny kodiaran-droa nentiny ka nitarika ny fahafatesany teo no ho eo.
Dahalo roa lahy maty voatifitry ny zandary tao Tanimbaribe sy Ambatomainty, fokotany Bemahogo, kaominina Ankaraobato, distrikan’i Marovoay, ny 4 novambra teo. Nanao hazalambo azy ireo ny mpitandro filaminana ka raikitra ny fifandonana. Lavo ny roa tamin’ireo mpangalatra omby.
Omby halatra mitotaly 250 teny am-pelatanan’ny dahalo tafaverin’ny mpitandro filaminana amin’ny tompony tao amin’ny fokontany Berongony, kaominina Tsangaly, distrikan’Antsalova, ny 6 novambra teo. Nifandona tamin’ny dahalo ireo zandary sy miaramila ka lavo ny iray tamin’ireo olon-dratsy.
French