Dato Foot-ball Club Farafangana. Nahazo mpanazatra vaovao. Naval Joachim Andriatiana no hanazatra azy amin’izany raha ny vaovao voaray. Marihina fa efa nanazatra ny ekipan’ny Five FC sy ny Jet Kintana i Coach Naval. Efa nanampy an-dRasoanaivo Titi tao amin’ny CFFA koa izy.
Misaona ny tontolon’ny Kung-fu wisa. Nodimandry omaly, ny Silouche Rakotoarijaona Solon’ny Anjara Fanilo, zanaka vavin’ny Grand Maître Pierre Mizael. Teo amin’ny faha-45 taonany izy izao nindaosin’ny fahafatesana izao, izay tena nahavita be teo amin’ity taranja ity tokoa. Mpanorina sy mpitarika ny Kung-fu Fanilo izy fony fahavelony.
Road to Bal-Elites 16. Ankoatra ireo mpilalao mila ravinahitra any ivelany miisa 2, hanampy ny Cospn amin’ny “Road to BAL-Elites 16”, ny mpilalaon’ny GNBC, Randriamampionona Elly. Hotontosaina any Johannesburg, Afrika Atsimo, ny tapaky ny volana novambra, ity fifaninanana ity.
Miisa enina izao ireo ekipa efa fantatra fa tafita hiatrika ny ampahavalon-dalan’ny « Ligue des Champions 2024 (LDC) ». Anisan’izany ny Real Madrid, Espagne, Manchester City, Angleterre, Inter Milan, Italie, Real Sociedad, Espagne, Bayern München, Allemagne, RB Leipzig, Allemagne. Marihina fa ny ekipan’ny Manchester City, tompondaka farany tamin’ny LDC 2023.
French