Tsy nandeha namonjy ny filankevitrin’ny
fitsipi-pifehezana (CODIS) tany Thailande, ny filohan’ny Federasiona malagasin’ny tsipy kanetibe (FSBM), Andriamilerovason Amiroudine. Nohamafisiny ihany fa efa nandefa taratasy tany amin’ i Claude Azema, filoha iraisam-pirenenan’ity taranja ity ny tenany amin’ny antony izany.
Lavon’i Comores tamin’ny isa 1 no ho 0 i Ghana, ny talata lasa teo, tany Comores. Lalao tafiditra amin’ny fifanintsanana hiatrehana ny “Mondial 2026”, taranja baolina kitra. Marihina fa miray vondrona amin’i Madagasikara ao amin’ny “I” i Comores. Ny volana jona ho avy izao izy ireo no hifanandrina amin’i Madagasikara.
Norombahan’ny Fosa Junior Academy ny amboaran’ny diviziona faharoa any amin’ny faritra Boeny. Nahazo lelavola 1 tapitrisa ariary izy ireo. Marihina fa ity no fandraisana anjara voalohany nataon’ny Fosa Académie. Mitana ny laharana faharoa tamin’ity fifanintsanana ity ny Joker FC.
Efa misokatra ny fisoratana anarana ho an’ny fifaninanana karakarain’ny ligin’Analamanga,
taranja Volley-ball. Fifaninanana mahakasika ny “service, attaque, réception, tik tik”. Misokatra ho an’ny rehetra izany araka ny fangatahan’ny maro.
French