Paikady sy ekipa ary fanamby no entina hiatrika ny taom-pilalaovana 2022-2023. “Efa ela niomanana ny Dato FC, ary tanjona ny ho tonga any amin’ny farany” hoy i Landison Edmond, mpanazatra mpanampin’ny Dato FC. Izy ireo izay nanatanteraka fanazaran-tena teny amin’ny kianja Elgeco Plus By pass, ny alakamisy 1 desambra 2022. Fanazaran-tena fanomanana ny andro fahatelo eo amin’ny “Orange Pro Ligue” na OPL.
Hanafika ny Disciples FC ny Dato FC. Lalao ao anatin’ny andro fahatelon’ny OPL, atao eny amin’ny kianja Elgeco Plus, ny asabotsy 3 desambra 2022. Lavon’ny Jet kintana izy ireo tamin’ny andro voalohany, ary nampiondrika ny Zanakala FC, tao Fianarantsoa ny andro faharoa. “Tombony ho anay ny fananana mpilalao tanora sy matanjaka. Miezaka kosa izahay mampitombo ny traikefa sy fahaiza-manaon’izy ireo” hoy ny mpanazatra mpanampin’ny Dato FC.
Mpaanohana tsara sitrapo iray no nanolotra fanampiana ho an’ny mpilalao sy ny mpanazatra ary ny mpitarika, omaly. Nanatontosa izany ny Fikambanana Equipe des Citoyens Responsables de Madagascar – Vitsika na E-CReM Vitsika, notarihin’i Ramatoa Randrianarisoa Riana Raymonde, filoha nasionalin’ny Fikambanana.
Lin (Mpianatra asa)
French