Mpitondra moto iray naratra mafy teny amin’ny digue Andohatapenaka, afakomaly. Fiara iray nisongona taxi-be no nifandona tampoka tamin’io mpitondra moto io. Niparitaka ilay moto ary naratra ny mpitondra azy. Tsy nisy aina nafoy.
Vehivavy gasy iray tompona orinasa misehatra amina fizahantany malaza eto an-toerana nopoizinin’ny namany, ny faran’ny herinandro teo. Nivoaka faroratra ny vavan’io vehivavy io. Olona akaiky azy ihany io voalaza fa nahavanon-doza io. Efa manaraka fitsaboana ilay lasibatra.
Niampy 48 ora ny fanaovana andrimaso ilay tale tompon’atoka amina halatra tany etsy Anosy Avaratra, raha toa ka tokony ho niakatra fampanoavana omaly ny raharaha. Nilaza ho nofitahin’io tale io kosa ilay lefitry ny mpandrindra ny antoko TGV ao Anjozorobe. Nalaina am-bavany teny Fiadanana ity farany ary nalefa nody.
Voasambotry ny zandary ny roa lahy mpanondrana sokatra 74 tao Tsihombe, Androy, ny zoma 29 desambra 2023 teo. Nokasaina hoentina hihazo an’i Toliara ireo biby arovana ireo. Efa natolotra ny fampanoavana ka notanana am-ponja vonjimaika izy roa lahy.
French