Manatanteraka fiofanana mahakasika ny fitantanana raharaham-panjakana, ny Tale sy ny Lehiben’ny sampandraharaha eo anivon’ny Institut Nationale de la Décentralisation et du Développement Local (INDDL). Fiofanana izay notanterahina nanomboka omaly ary ifarana anio. Tanjona amin’izao hetsika izao ny hahafantaran’izy ireo bebekokoa ny momba ny fanjakana tsara tantana sy ny hahafehezan’izy ireo ny fampiofanana olon-dehibe. Fiaraha-miasan’ity ivon-toerana ity amin’ny Comité pour la Sauvegarde de l’Intégrité (CSI) no nahatontosa izany.
Tafiditra ao anatin’ny politika sy ny asa laharam-pahamehan’ny minisiteran’ny Fitsinjaram-pahefana sy ny Fanajariana ny Tany, ny fampiofanana ny olom-boafidy eny ifotony, ahafahana mametraka antsakany sy andavany ny fanjakana tsara tantana, araka ny nambaran’Andriantsitohaina Naina, minisitry ny Fitsinjaram-pahefana sy Fanajariana ny Tany. Izany no atao mba hahatanterahan’ny vinan’ny filoham-pirenena amin’ny fampandrosoana ny firenena. Anisan’ny tomponandraikitra amin’ny fanatanterahina izany ny avy eo anivon’ny INDDL. Izy ireo izay hampiofana ny olom-boafidy eny ifotony mba hahatontosa ny politikan’ny mpitondra fanjakana.
Lin
French