Nivoaka ny tetiandro fizarana ny vola fisotroan-dronono ho an’ireo zokiolona ho an’ny volana marsa. Manaraka hatrany ny fitsinjaran’ny laharana ny fandraisana izany hisian’ny lamina.
Hanomboka rahampitso 8 marsa ny fizarana eto amin’ ny faritra Analamanga ho an’ ny eny anivon’ireo perceptions principales (PP), trésorerie principale (TP), Trésorerie Principale Inter-communale (TPIC). Anjaran’ireo manana laharana miafara amin’ny 0- 1- 2 no mandray izany ny zoma izao. Miato izany ny faran’ny herinandro ary miverina kosa manomboka ny alatsinainy 11 marsa ho an’ireo manana laharana miafara amin’ny 3-4-5. Anjaran’ireo manana laharana miafara amin’ny 6-7-8-9 indray ny talata 12 marsa. Ny alarobia 13 marsa hamaranana ny fizarana ka izay miafara amin’ny A-B-C-D-E no maka izany.
Manomboka ny alakamisy 14 marsa kosa no raisin’ ireo izay mitondra “procuration” sy ireo taraiky ny anjarany.
Ho an’ny eny amin’ny Paierie Générale d’Antananarivo (PGA) sy ny Recette Générale d’Antananarivo (RGA), eny Antaninarenina kosa ny miafara amin’ny 0- 1- 2- 3- 4 no mandray izany ny zoma 08 marsa. Ny miafara amin’ny 5- 6- 7- 8- 9 ny alatsinainy 11 marsa ary ny miafara amin’ny A- B- C- D-E ny talata 12 marsa.
Manomboka ny alarobia 13 marsa kosa no mandray ireo izay mitondra “procuration” sy ireo taraiky izy ireo.
Tsy miova ny fitsinjaran’ny laharana ho an’ny mpandray fisotroan-dronono any amin’ny faritra hafa fa ny daty fanombohan’ny fizarana no mety ho hafa.
Tatiana A
French