TSELATRA

Mpamaky trano iray voasambotry ny fokonolona tao amin’ny fokontany Ambohidray, kaominina Am­bohimalaza, omaly. Nahatrarana fahitalavitra, bodofotsy hatramin’ny fitaovana fampiasana manao io asa ratsy io teny amin’io jiolahy io. Nohazonin’ny zandary hatao famotorana izy.
Mpangarom-paosy 11 voasambotry ny zandarimaria miasa ao Talatamaty, nandritra ny fankalazana ny alatsinain’ny paka teo. Tratra teny amin’izy ireo ny finday halatra miisa 14. Vehivavy ny iray tamin’ireo tontakely ireo.
Tra-tehaky ny zandary tao amin’ny fokontany Ambohimahavelo, kaominina Antsirabe Centre, ny lehilahy iray sy ny moto halatra, afakomaly. Nalainy tao amin’ny fokontany Antanandrenivelo io kodiaran-droa io ka izao saron’ny zandarimaria ao Mandritsara izao.