Nahazo toeram-pivoahana sy fidiovana vokatry ny fanohanan’ny Unicef ny centre Akamasoa. Mitokana ny fotodrafitrasa ho an’ny ankizivavy sy ny ankizilahy ka mpianatra 4 325 no hahazo tombontsoa. Nampiasaina betsaka ny angovo azo avy amin’ny masoandro hanodinana ny fotodrafitrasa natolotra. Mifameno amin’ny fanomezana fanabeazana manaraka ny fenitra ny mpianatra indrindra ny tovovavy (anatin’ny fotoana hahatongavan’ny fadimbolana) ny toeram-pivoahana sy fidiovana ary mampihena ny aretina avy amin’ny rano tsy madio.
Isan-taona, 3 tapitrisa ny andro no very vokatry ny aretina noho tsy fahazoana misitraka rano madio sy toeram-pidiovana manara-penitra eto amintsika.
Nomena lanja manokana koa ny olona manana fahasembanana hikirakira ny fotodrafitrasa ka namboarina hifanaraka amin’izay, araka ny fanazavana. Manaraka ny fenitra amin’ny fahadiovana ny toeram-pivoahana sy fidiovana ary mazava ny efitra tsirairay. Efa novatsiana fitaovana fanasana tanana ny centre ny taona 2023. Miara-miasa ny Unicef sy ny ONG Sahi manentana ny mponina amin’ ny fikajiana ny fahadiovana.
Vonjy
French