Hamoaka boky « Kolontsaina sy Riba malagasy » Rabenandrasana Lalao François. Ankoatra ny maha mpanoratra azy, manome lanja lehibe ny fikarohana sy ny fandalinana momba ny kolontsaina malagasy i Nandrasana. Omena lanja amin’ny sanganasany ihany koa ny zaza sy ny ankizy hany ka boky maro ho fitaizana azy ireny no efa navoakany.
« Dancing Retro et Nostalgie » hotanterahina ao amin’ny Cafétaria CCEsca Antanimena, ny 22 jona izao. Hiavaka izy ity, satria, hanomboka amin’ny 10 ora maraina ka tsy ho tapitra raha tsy amin’ny 6 ora hariva. Ireo hira na feon-kira nalaza tany alohan’ny taona 1980 no handihizana amin’izany. Hisongadina ny « danse de salon » toy ny rock, cha cha cha, tango, passo double, valse, twist, madison, jerk, charleston, boléro, sega , disco ….
Famadihana, manomboka ny ririnina. Fomba aman-panao iray tsy foin’ny Malagasy ny fanaovana azy io. Misokatra manomboka amin’ity volana jona ity hatramin’ny faran’ny volana oktobra ny fanaovana azy io eto amin’ny Nosy. Fotoana natao hamonosan-damba sy hangatahan’ny velona fitahiana amin’ireo razambe.
« Festival des initiatives vertes ». Tontosa ny faran’ny herinandro teo, tetsy amin’ny AFT Andavamamba, ny hetsika fampirantiana. Nahitana mpandray anjara manodidina ny 70 isa. Nampahafantaran’ireo mpisehatra mpanao asa tanana mitsinjo ny tontolo iainana ny vokatra vokarin’izy ireo.