Tontosa omaly, teny amin’ ny Alliance Française d’Antananarivo (AFT) Andavamamba, ny velakevitra niarahana tamin’i Pascal Boniface, mpanoratra sy manam-pahaizana manokana momba ny haipolitika ara-toetany. Marihina fa tafiditra ao anatin’ny hetsika « Semaine de la Bande dessinée » izy ity. Ankoatra izay, nisy ihany koa ny atrikasa mahakasika ny fanaovana tantara an-tsary, natao ho an’ny rehetra, niarahana tamin’i R-Aly, Malagasy mpanao tantara an-tsary.
Tanjona amin’ny hetsika ny fampivelarana sy fampandrosoana ny tontolon’ny tantara an-tsary malagasy. Izany indrindra no nisafidianana ireo hetsika mandrafitra ity “Semaine de la BD” ity mba hisarihana ireo olona ivelany sy hanamafisana ny traikefa sy fahaiza-manaon’ireo efa ao anatiny. Anisan’izany ity hetsika niarahana tamin’i Pascal Boniface ity. Noresahina tao anatin’izany ny firesahana sy fanehoan’ny tantara an-tsary ny haipolitika ara-toetany. Tamin’ny alalan’ny boky “Geostrategix” no namakafakana izany, nitarafana ny hodidina eo amin’ny haipolitika ara-toetany ankehitriny.
Lin
French