Misaona ny tontolon’ny Hiragasy noho ny voina nahazo ny tarika Sahondrafinina Zanany. Niharan’ny lozam-pifamoivoizana teo Ambohimitarona, lalam-pirenena voalohany, mialoha ny idirana an’i Miarinarivo, ny tarika Sahondrafinina Zanany. Afakomaly hariva izy ireo no niharan’izany loza izany, rehefa avy nanao sehatra tao andrefan’ Arivonimamo ka handeha hamonjy sehatra any Bongolava. Maty, vokatr’izany, Rakotolava, mpitendry lokanga, ao amin’ny tarika. Ankoatra izay, nisy ny naratra ary efa nahazo fitsaboana sahaza azy. Olana teo amin’ny tsindrihisatra no nahatonga ny loza, araka ny nambaran’ny solontenan’ny tarika. Anisan’ ireo voamafy,hoy ny fanazavana, Rakotolava ka tsy maintsy nentina nankaty Antananarivo. Tsy tana intsony anefa ny ainy raha iny izy entina hamonjy ny HJRA iny.
Ny gazety Taratra dia mirary fiononana feno ho an’ny tarika Sahondrafinina Zanany sy ny fianakavian-dRakotolava ary ny tontolon’ny hiragasy.
Lin
French