Voahosotra ho tompondakan’i Madagasikara, sokajy Vétérans, taranja basikety, ny BC Blindé sy ny MMBC. Nandresy ny BCR tamin’ny isa 49 no ho 47 ny BC Blindé, raha toa ka isa 38 no ho 31 no nandavoan’ny MMBC ny ASVD Fitefa.
Nanomboka omaly, any Antsirabe, ny fiadiana ny amboaran’i Madagasikara, sokajy latsaky ny 20 taona, taranja volley-ball. Efa vita ny sabotsy teo ny fivoriana ara-teknika ary nisantatra ny fifaninanana, omaly, ny Mami Atsinanana sy ny Asi Analamanga.
Samy nanomboka ny 24 aogositra lasa teo, any Antsirabe sy any Farafangana, ny fifaninanana nasionaly U16 sy U20 taranja basikety. Ekipa lehilahy 26 sy vehivavy 20 ny eo amin’ny sokajy U16, raha ekipa lehilahy 18 sy vehivavy 5 kosa ny eo amin’ny sokajy U20.
French