Volley-ball-“Open 2è division”: hiditra amin’ny manasa-dalana ny lehilahy

Hotanterahina, anio, ny manasa-dalana, sokajy lehilahy, amin’ny fifaninanana “open 2è division Analaman­ga”, taranja volley-ball. Fifa­ninanana karakarain’ny Fede­rasiona malagasin’ny volley-ball, nanoloana ilay fiadiana ny amboaran’i Madagasikara, saika ho natao tany Alaotra Mangoro. Hifandona, eo amin’ny sokajy lehilahy, ny VBCD sy ny CSA, ankilany. Ny ASI sy ny AVBC kosa, andaniny, ho an’ny manasa-dalana faharoa, eny amin’ny kianja mitafon’ Ankorondrano. Teo amin’ny sokajy vehivavy kosa, efa vita omaly ny lalao manasa-dalana ary hiditra amin’ny famaranana, anio. Nifanan­drina teo amin’ny manasa-dalana, vehivavy, ny VBCD sy ny Squad 2, ka nivoaka ho mpandresy tamin’ny seta 3 no ho 0 ny VBCD. Ankoatra ireo, nifandona ny Squad 1 sy ny CVB, ka nivoaka ho mpandresy ny Squad 1. Araka izany, hiatrika ny famaranana, anio, eny amin’ny kianja mitafon’Ankorondrano, ny Squad 1 sy ny VBCD.

Mi.Raz