Maty tsy tra-drano voafaokan’ny fiara tsy mataho-dalana ny zazavavy kely iray teny amin’ny RN7, tsy lavitra an’Ilempona, omaly. Nandeha mafy ny fiara ka tsy nahafehy ny familiana tampoka noho ny antony tsy fantatra ny mpamily. Nifatratra avy hatrany tamin’ny sisin-dalana io fiara io. Lasibatry ny loza niseho ilay zazavavy. Vaky ra, tsy afa-nialana nenina intsony izy. Maty teo no ho eo . Potika tanteraka ilay fiara tra-doza. Ankoatr’ireo, nisy naratra ihany koa ny mpandeha tao anatin’ilay fiara. Nentina nihazo ny toeram-pitsaboana ireo niharan-doza. Marihina, mitarika ny lozam-pifamoivoizana eny anivon’ny lalam-pirenena tato ho ato ny tsy fanajana hafainganam-pandeha sy ny tsy fitandremana
ataon’ny mpamily. Miroso amin’ny fanadihadiana ity tranga ity ny mpitandro filaminana ao an-toerana.
Tsiferana R.
French