Vita izay ny fety ! Fotoanan’ny asa avy hatrany isika. Na eny anivon’ny tokantrano na amin’ny fitantanana ny raharaham-pirenena. Tsy maintsy mandroso isika, na inona na inona sakana. Tsy misy afaka ny hihalangalana satria adidin’ny olom-pirenena tsirairay no miahy ny ankohonany sy mitondra ny anjara birikiny ho an’ity tanindrazana iaraha-manana ity. […]
Mois : janvier 2023
Zatovo mamon-drongony: zandary roa notsindroniny antsy
Noleran’ny tovolahy iray antsy avy ao ivohony ny zandary nandrindra fifamoivoizana, omaly. Voadidy teo amin’ny tanany ny zandary iray hafa, nanavotra ity namany ity. Maty noho ny ratra nahazo azy nandritra ny fisamborana ilay mpidoroka. Solo, izay no anarana fiantsoan’ny mpiray tanàna azy. Tovolahy sady mpidoroka no mampihorohoro ny mponina. […]
Tselatra
Zazamena vao valo volana efa tsy nisy aina intsony no hita tao anaty rano maloto tetsy Anjanahary omaly taorian’iny oram-be nikija iny. Natsingevan’ny rano izany ka hitan’ireo mponina teny an-toerana. Tsy fantatra hatreto izay olona ninia nanao ity habibiana ity. Marihina fa melohin’ny lalàna velona ny zavatra toy izao.
Zava-mahadomelina : vehivavy iray nahatrarana “rôrô” 30 fonosana
Saron’ny polisim-pirenena, ny zoma teo, ny ramatoa iray mpivarotra rongony mahery vaika “rôrô”, etsy Antohomadinika. Isan’ireo mpamatsy io zava-mahadomelina io eny an-toerana ny tenany ka nanaovan’ny polisy bemidina avy hatrany. Tratra tao amin’ilay trano voalaza tokoa izy ary mbola nahitana fonosana “rôrô” 30 isa. Miandahy miambavy ny mpanjifa ity zava-mahadomelina […]
Fampitandreman’ny polisy : tsy nahasakana ny asan-jiolahy
Mahita irika ihany! Na teo aza ny fampitandremana nataon’ny polisy tamin’ny alalan’ny kaomanidin’ny Fip, ny kaomisera Rafaliarivo Jules, nandritra ny fankalazana ny fety teo. Tsy nisy fiantraikany fa vao mainka nanao ny nataony ny jiolahy tao Toamasina. Nirongatra izay tsiizy, ny asan-jiolahy tao amin’ny fokontany Analankinina Hopitalibe, Toamasina sy Valpinson, […]
French