Mitohy hatrany ny fampahafantarana ny kolontsaina sy ny fomba amam-panao mampiavaka ny faritanin’i Mahajanga sy ny faritra Sofia, ao anatin’ny hetsika “Songadina”. Efa maro ny fomba sy kolontsaina nampahafantarina nandritra izay andro maro nanombohan’ny hetsika izay. Amin’ity anio ity, atrikasa mahakasika ny “Baoejy” no hita eny amin’ny Ivontoeran’ny kolontsaina malagasy (IKM) Antsahavola. Anisan’ ny hetsika vaovaon’ny IKM, hoentina mampahafantatra ny kolontsaina samihafa misy eto Madagasikara izy ity. Aorian’ ny faritra Sofia sy ny faritanin’i Mahajanga, faritra sy faritany hafa indray no hampahafantarina.
Dihy mampiavaka ny faritra avaratra sy avaratra atsinanana ary avaratra andrefan’i Madagasikara ny Baoejy. Angorodao sy kabosy ary hazolahy no nampiasaina tany am-pamoronana ity dihy ity. Efa misy kosa mampiasa ny gitara ho zavamaneno amin’ny dihy “Baoejy” amin’izao fotoana izao.
Lin(Mpianatra asa)
French