Tra-tehaky ny mpitandro filaminana ny iray tamin’ireo dahalo niaraka tamin’ny basy niampy ireo omby 200 nangalarin’izy ireo, tao Andavarary ambony, distrikan’Analalava, ny faran’ny herinandro teo. Anatin’ny hetsika famongorana ireo mpangalatr’omby ao amin’ny faritra Sofia, nanao be midina ny zandary notarihin’ny kaomandin’ny vondro-tobim-paritra ao an-toerana. Nanao fisafoana ireo kizo malaza ratsy […]

Toarian’ny fampanoavana, naiditra am-ponja vonjimaika ireo dimy lahy saron’ny zandary nangalatra varavaram-by tetsy amin’ny fokontany Ambo­hibe, kaominina Anka­dikely, ny 9 jona teo. Ny alin’ny 6 jona hifoha ny 7 jona, niara-nangalatra ireo entana ireo izy dimy lahy ireto ka nitatitra izany mangingina. Nifanehatra tampoka tamin’ny mpitandro filaminana manao fisafoana amin’ny alina anefa izy ireo. […]

Nampihoron-koditra! Tovolahy iray no nisy naka an-keriny, ny herinandro teo, tao amin’ny fokontany Tsiandamba kaominina ambanivohitr’i Tsifota Toliara II. Nalain’ireo nahavanon-doza ny voamasony roa ka naratra mafy izy. Raha ny tatitra nampitain’ireo nahita ny zava-misy tany an-toerana, teny an-dalana hamangy ny fianakaviany any Antseva no nentin’ireo olon-dratsy tany anaty ala. […]