Notanterahina teny amin’ny Coliseum Antsonjombe, ny « Concert Fotsy », nokarakarain’ny kandidà 11, niarahana tamin’ireo Malagasy mpihira, maro samihafa. Tonga nanatrika izany ireo mpanohana sy mpiara-dia ireto kandidà ireto. Nandritra izany, nisy ny fanaovan-tsonia ny fifanarahan’izy ireo amin’ny tsy hanatanterahana ny fifidianana. Tsy nanao sonia izany Randrianasoloniaiko Siteny fa nisafidy ny hanao fampielezan-kevitra, nanomboka omaly tany Vohémar. “Vonona ny hifaninana amin’ny kandidà Rajoelina Andry aho”, hoy izy.
Na teo aza anefa izany, namaly ny antson’ireo kandida 11 ireo mpanohana sy mpiara-dia amin’izy ireo, nandritra ny hetsika “Concert Fotsy”. Tsy nisy ny diabe, izay nokasaina hatao miainga amin’ny toerana maro mihazo ny Coliseum Antsonjombe fa samy nanao izay nahatongavany teny an-toerana ireo mpanohana. Tamin’ny 12 ora atoandro no ora voatondro hanombohan’ny hetsika. Fampisehoana sy fanentanana no hita teny an-tsehatra tamin’io fotoana voatondro io. Minitra maromaro taorian’izay kosa vao niatrana teny an-toerana ireo kandidà 11.
Randria
French