Namoaka fanambarana ny eo anivon’ny antoko Hiaraka isika, taorian’ny namoahan’ny Ceni ny voka-pifidianana vonjimaika, farany teo. “Tsy misy mahazo tombony amin’ny savorovoro ary tsy mendrika krizy intsony ny firenentsika. Ny fampandrosoana no tokony hiarahana misalahy amin’ izao fotoan-tsarotra maneran-tany izao sy ny maha firenena mbola marefo antsika anatin’ ny fifampiankinana eo amin’ny sehatra iraisam-pirenena”, hoy izy ireo. Nambaran’ity antoko ity koa fa hiroso hitsara ny fifidianana ny eo anivon’ny HCC ary afaka mametraka fitoriana ireo tsy afapo. Niantso ny rehetra, araka izany, ity antoko naorin’ny Jly Camille Vital ity mba haneho ilay toetra mampiavaka antsika, fatra-pandala ny fihavanana sy ny fifanajana. “Aoka ho tony hatrany amin’ny fivoahan’ny voka-pifidianana ofisialy”, hoy izy ireo. Nanterin’ny Hiaraka isika fa fandresena miezinezina azon’ny Malagasy iny fifidianana iny ka niarahabany ny rehetra nahay nampiseho ny fitiavan-tanidrazana sy ny fahendrena izy ireo. Afaka naneho ny safidiny an-kalalahana ny tsirairay. Na ireo tsy nisalasala nampiasa ny zony nifidy. Na ireo tsy nampiasa izany.
Niaiky anefa izy ireo fa tsy misy ny fanaperana ary ny isavorovoroan-kilantoana. Aoka hanaja ny safidy malalaka vokatry ny fifidianana ho fisorohana ny korontana. Efa tsy mendrika ny firenena intsony izany, araka ny fanambaran’ny Hiaraka isika.
Synèse R.
French