Hatevina ireo delegasionina hotarihin’ireo filoham-panjakana sy tomponandraikitra ambony avy any ivelany, ho avy hanatrika ny fianianan’ny filohan’ny Repoblika rahampitso, eny Mahamasina. Anisan’ ny efa tonga omaly ary notsenaina teny Ivato ny filoha Maorisianina, i Prithvirajsing Roopun. Ny avy amin’ny iraka manokan’ny filoha Sinoa,
amin’ny alalan’ny filoha lefitry ny antoko CCPPC, i Hu Chunhua. Efa tonga eto amintsika koa ny sekretera jeneralin’ny Vaomieran’ny ranomasimbe Indianina (COI), i Vêlayoudom Marimoutou. Ny minisitry ny Tafika Senegaley, i Youm El Hadji Omar.
Mbola maro ny delegasionina vahiny ho avy anio. Nambaran’ny filoha Rajoelina Andry teny Iavoloha, omaly fa anisan’ny ho tonga ny filohan’ny Sadc sady filohan’ i Angola, i Joao Manuel Goncalves Lourenco, ny filohan’i Kaomoro sady filoha am-perinasa ho an’ny Vondrona afrikanina, i Azali Assoumani. Tahaka izany koa ny hahatongavan’ny filohan’i Zimbaboe sy Mozambika, ny avy any Ginea Bisao.
Hanatevin-daharana ny filoha mitantana ny Banky afrikanina ho an’ny fampandrosoana (Bad). Nahitsy ny filoha Rajoelina nilaza fa mariky ny fahavononana hiara-kiasa avokoa izany. “Midika ho fahatokisana ka horaisintsika am-pahamendrehana sy am-pilaminana izany”, hoy izy. Nampanantena ny tenany fa hohafainganina ny fampandrosoana, ho fitsinjovana ireo madinika sy marefo miaraka amin’ny fanorenana fotodrafitrasa lehibe mahasoa ny vahoaka, araka ny nambarany.
Synèse R.
French