Ao anatin’ny fiomanana amin’ny fankalazana ny taon-jobily 2025 ny fiangonana katolika. “Mpivahinin’ny fanantenana” no lohahevitra amin’izany, izay hosokafana amin’ny alalan’ny fotoam-bavaka amin’ity taona ity. Taom-pahasoavana ny jobily ka ezahina ny handalina sy hiaina bebe kokoa ny finoana. “Noho ny fahasahiranana, ny fahantrana, ny herisetra, ny ady manjaka eran-tany dia kivy ny olona. Hijoro, araka izany, ny fiangonana hamelona indray ny fanantenana ao anatin’ny tsirairay”, hoy ny Monseigneur Rosario Vella, filohan’ny vaomieran’ny Eveka ho an’ny fiaraha-miasa misionera, tetsy Antanimena. “Ampirisihina ny fanaovan’ny tsirairay ny vavaka…”, hoy mompera Rakotoarisoa Jean Claude, tale nasionalin’ny OPM.
Araka ny tetiandro efa nivoaka, hosokafan’ny Papa Ray masina amin’ny 24 desambara 2024 ny varavarana masina ao Roma. Entina hanokafana ny taon-jobily 2025.
Mino
French