Vonona ny minisitra mpisolo toerana hisahana ny Atitany, Andriantsitohaina Naina, ho amin’ny fiaraha-miasa hampandehanana ny raharaham-panjakana, indrindra amin’izao fotoam-pifidianana izao. Tontosa omaly, tetsy Anosy, ny famindram-pitantanana teo aminy sy ny minisitra teo aloha, Tokely Justin, kandidà depiote any Sambava.
Nandray anjara tamin’ny fivorian’ny APF
i Madagasikara. Nifanakalozana tamin’izany ny andraikitry ny parlemantera aty Afrika, ny fanamby tsy maintsy atrehin’izao tontolo izao ankehitriny, ny fitondrana Tetezamita aty Afrika. Nisolotena ny parlemantera
malagasy tamin’izany ny filohan’ny Antenimierandoholona, ny Jly Ravalomanana Richard.
Mbola lavitr’ezaka ho an’ny mpitondra ny fanatrarana ny tanjona amin’ny fampandrosoana lovain-jafy (ODD), araka ny nambaran’ny fiarahamonim-pirenena Rohy. Nanterin’izy ireo fa marefo hatrany ny paikady hanarenana ny firenena. “Mbola ny 9,4% ny tanjona napetraka no tratra tao anatin’ny 6 taona, raha ny tatitry ny Pnud”, hoy izy ireo.
Tsipahin’ny vahoaka ao Antsirabe Avaratra ny sefo fokontany vao notendren’ny distrika. Niteraka savorovoro tao an-toerana izany. “Takinay ny hanaovana fifidianana mangarahara fa tsy azo ekena izao”, hoy izy ireo, tamin’ny fihetsiketsehana nataon’izy ireo omaly maraina.
French