Hotanterahina eny amin’ny Centre de conférence international (CCI) Ivato, ny 23 hatramin’ny 25 oktobra ho avy izao, ny hetsika « salon de l’habitat & déstockage pro. » Sehatra natokana ho an’ny matihanina sy ny olon-tsotra mitady vahaolana amin’ny fanorenana sy fanatsarana trano ity hatao ity, iarahan’ireo orinasa maro. Mikarakara izany ny Mada Vision. Amin’ny alalan’ity hetsika ity, misy ny vina izay napetraka, ny hampiroboroboana ireo vokatra sy tolotra amin’ny sehatry ny fanorenana, ny fanaka sy ny haingon-trano, indrindra amin’ny vidiny mirary. Hisy ihany koa ny sehatra manokana, ny “Salon déstockage pro”, izay hanomezana fihenam-bidy hatrany amin’ny 10% ny entana, mba hahafahana misintona ny mpanjifa sy ho fanampiana ireo orinasa hanala entana tapaka tahiry. Miisa 400 mahery eo ireo orinasa kasaina handray anjara amin’ity hetsika ity. Hampiavaka izany ihany koa ny fisian’ireo atrikasa, fampirantiana sy fanehoan-kevitra, hetsika an-tsehatra ary fotoana hihaonana sy hifampiresahana amin’ireo mpanao fanorenana, mpaninjara, mpampiditra entana, mpanao sary trano ary mpanjifa.
Fitia Randria
French