Maro ireo fotodrafitrasa natsangan’ny Fondation Axian ao Antsirabe. Mahasahana sehatra samihafa izany. Anisan’ny nisongadina nandritra ny fitsidihana tany ann-toerana ny fanavaozana ny EPP Miaramasoandro, sekoly Yas voalohany naorina tamin’ny taona 2015. Mankalaza ny faha-10 taonany ny sekoly amin’izao fotoana ary efa an’ arivony ny mpianatra nandalo tao, raha ny fanazavana nentin’ny talen-tsekoly, Razanadramaha Délphine Marie Pierette.
Mihatsara hatrany ny voka-panadinana CEPE. 7 mianadahy ny mpanabe, ka Fram ny iray amin’ireo.
Nitondran’ireo orinasa mivondrona ao amin’ny Fondation Axian (Mvola, Madio Toa…) tohana ihany koa ny kianja filalaovana handball ao amin’ny Lycée André Resampa. Tanjona ny hampidirana ireo ankizy zanaky ny lalana amin’ ny sehatry ny fanatanjahantena izay iarahana amin’ny fikambanana Grandir à Antsirabe. Tanora mpianatra amin’ ny sekoly maro no misitraka ny kianja. Manaraka ny fenitra iraisam-pirenena mihitsy ity kianja naorin’ny Fondation Axian ity. Ankoatra ireo, ny EPP Garbit izay nohavaozina tanteraka ihany koa niaraka tamin’ny orinasa Yas ka efitrano 5 no nasiana fanatsarana. Nohavaozina tanteraka ny sekoly satria efa tena tranainy. Nasiana toeram-pisakafoana ihany koa, ho an’ireo mpianatra.
Tatiana A
French