Natomboka ny 30 janoary teo ny taom-pambolen-kazo 2026 ho an’ny faritra Atsinanana. Tany Ampangadiampasika, fokontany Hoavimamiratra, kaominina Savalaina, distrika Brickaville, no nanatanterahana izany.
Miisa 22 500 ny zana-kazo (Hintsimbazaha, Tsitoavina ary Kongina) nambolena tamina velaran-tany 15 ha. Nanohana sady mpiara-miombon’antoka amin’ ny fitanatam-paritry ny Tontolo iainana (Dredd) Atsinanana ny orinasa tsy miankina Canpy. Nilaza ny tale jeneraliny, Randriantsitohaina Rolland, fa tany karakaina ny toerana, saingy handonaka azy ny fakan’ireo zana-kazo telo karazana nambolena, ka ho lasa azo ampiasaina amin’ny karazam-pambolena rehetra.
Nohazavain’ny lehiben’ny faritra mpisolo toerana, Ranasimanana Rosette, ny lohahevitra ho an’ny taom-pambolena 2025-2026, « Izay mamboly hazo, manome aina ho an’ny taranaka ». Fanokafana ny fambolen-kazo ity atao ity, fa ampirisihina ny rehetra, ny fikambanana, ny olon-tsotra, sns, hamboly hazo. Nilaza ny filohan’ny Fampanoavana, fitsarana Toamasina, Vahiny Yvi Sandro, fa raha tia ny tanindrazana dia tsinjovina ny hoavin’ny taranaka sy ny fandraisana anjara hanamaitsoana an’i Madagasikara. Nohamafisiny fa maro ny tombontsoa azo avy amin’ny ala.
Sajo sy Njaka A.
French