Mila fahamailoana foana ny aretina haromotana. Manao fanairana ny minisiteran’ ny Fahasalamam-bahoaka fa aretina mahafaty raha tsy voasoroka haingana ny haromotana.
Mifindra amin’ny olona amin’ny alalan’ny kaikitra na rangotra na lelaka amin’ny faritra maratra. Ao amin’ny roran’ny biby mafana ra no misy ilay virus.
Misoko miadana ny aretina, arakaraka ny toerana sy ny halalin’ny fery. Raha vao miseho ny soritraretina dia 100% ny taham-pahafatesana, tsy misy fanafana.
Manodidina ny herinandro vitsivitsy ka hatramin’ny 3 volana (indraindray mety herintaona) ny fiotrehan’ny aretina. Soritraretina voalohany ny aretin’an-doha, mafana hoditra, sahirana mitelina sakafo, mandoa, tsy mahazo aina, vizana be. Mety hangidihidy na mihena ny fahatsapana eo amin’ny fery.
Misy karazany roa ny fisehony dia ny haromotana mahery vaika (70%). Lasa matahotra, mirediredy, mihetsiketsika be ilay marary. Matahotra rano na rivotra ary tsy mahatsiaro tena avy eo. Tonga amin’ ny fahafatesana ao anatin’ny 7 na 10 andro. Misy koa ny haromotana mampalemy ny rantsam-batana (30%).
Sasao avy hatrany amin’ ny rano sy savony mandritra ny 15 minitra ny fery raha voarangotra na voakaikitry ny alika na saka. Manatona tobim-pahasalamana na CTAR haingana. Mila manao vakisiny intelo izay maimaimpoana.
Tatiana A
French