Nisitraka solosaina miisa 10 avy amin’ny mpanao soa ny Akany Onjasoa Toamasina, ny zoma 20 febroary. Nanolotra izany, ny Euro.CRM, orinasa misehatra amin’ny tontolon’ny fiantsoana iray eto amin’ ny Nosy. Nosafidiana manokana ny hanampy ireo sekoly ravan’ny rivodoza Gezani lasa teo. Anisan’izany, ny Akany Onjasoa Toamasina. “Zava-dehibe eto Madagasikara ny fitsinjovana ny hoavin’ny ankizy malagasy. Rehefa omena fitaovana entiny mianatra toy ny ankizy rehetra manerana ny Nosy izy ireo dia ho tsara kokoa ny hoaviny ary hitondra fampandrosoana goavana ho an’i Madagasikara izany”, hoy Mehdi Aboullait, tale Jeneralin’io orinasa io.
“Tombony lehibe eo amin’ ny sehatry ny fanabeazana, indrindra ny fampiofanana arakasa ireo mpianatra ny fahazahoana ireo ordinatera ireo”, hoy kosa ny filohan’ny fikambanana MNG, Razanamantsoa Emma. Rehefa nahita ny beazina teto anivon’ny akany izy dia vonona ny hanolotra solosaina miisa 10 indray ho an’ny Akany Iarivosoa Anosibe io mpanao soa io, amin’ ity herinandro ambony ity, raha ny fanazavana voaray. Mahatratra 1400 ny isan’ny ankizy beazina eo anivon’ny Akany Iarivosoa Anosibe amin’izao fotoana. Manomboka eo amin’ny 11 ème hatramin’ny kilasy famaranana ny kilasy.
Mino
French