Ankizivavy manodidina ny 50 isa nitrangana aretina hafahafa toy ny ambalavelona tany Mahajanga, omaly maraina tokony ho tamin’ny 7 ora. Mpianatra eo anivon’ny sekolim-pinoana iray any an-toerana izy ireo. Nitabataba, nitsipatsipaka ary nitomany ireo ankizy lasibatra ireo. Niafara tamin’ny fahasemporana sy fahatoranana mihitsy izany avy eo, raha ny fanazavana voaray avy any an-toerana. Ankizy iray tao amin’ny kilasy fahavalo no niatombohan’ny aretina. Nikiakiaka tampoka ary nihasempotra sy torana izy io teo am-pilaharana, raha ny fanazavan’ny mpianatra. Nifindra sy niparitaka haingana be tamin’ireo ankizivavy tao amin’ny kilasy hafa izany avy eo. Nambaran’ireo mpianatra fa ifindran’ny aretina ireo ankizivavy mijery ilay marary sy matahotra. Efa tonga teny an-toerana ny mpitondra fivavahana. Nanao rojom-bavaka sy nanala ny fanahy ratsy ary nanipy rano voahasina tamin’ireo ankizy ireo. Tonga teny an-toerana ihany koa ny polisy ary ny ray aman-drenin’ny mpianatra. Nalefa nody ny mpianatra ary naato ny fampianarana tao an-toerana ny tapany hariva.
Marihina fa efa nisy ankizivavy iray mpianatra ao amin’ny sekoly io no efa nanana aretina torantorana. Nihetsika tampoka teny am-panaovana taranja fanatanjahantena izy io, ny zoma 24 avrily lasa teo. Mbola nihetsika ihany koa izany rehefa tonga tany am-pianarana ny zoma hariva.
Mino
French