Andro vitsy sisa no isaina, Hiditra ao anatin’ny «Iray volan’ny teny malagasy», indray, i Madagasikara. Hetsika maro no efa fantatra fa hotanterahina. Hatramin’izao, tsy mbola hita mazava ny soa hoentin’io fankalazana io. Saika mitovitovy isan-taona, rahateo, ny zava-misy. Fampirantiana, antsa tononkalo, velakevitra, sns.
Iray amin’ireo mandesoka ny fitiavan’ny Malagasy ny teniny sy ny fivelaran’izany teny izany ny afitsoky ny tontolo politika. Fanapahan-kevitra politika ny: «ny teny malagasy no teny hoenti-manabe sy mampianatra ny zaza Malagasy». Any amin’ny firenena ambara fa mandroso. Tsy mitoetra ho olana intsony ny fiainana izany. Adidin’ireo mpitondra mifandimby isan’ambaratonga no mampita azy io.
Ho an’ny tany « an-dalam-pandrosoana sy ny andalam-pandrosoana », mbola be loatra ny fanampiana omen’ny firenena mandroso azy ireo, eo amin’ny tontolon’ny fampianarana, hany ka tsy maintsy manaraka ny baiko omen’ny mpamatsy vola. Ho an’i Madagasikara manokana, ny tontolon’ny fampianarana no maro tetikasa indrindra. Saika iarahana amin’ny vahiny izy ireo…
… Ankoatra ny fanapahan-kevitra politika, mila fanarenana goavana ihany koa ny tontolon’ny fanabeazana eto Madagasikara. Miainga any amin’ ny ankohonana, mandalo eny amin’ny fiarahamonina ary mipaka ao amin’ny firenena, miaina sy mampiasa ny teny malagasy.
HaRy Razafindrakoto
French