Niakatra 4, 25% ny taham-pahafahana fanadinana bakalorea ho an’Antananarivo raha mitaha amin’ny vokatra ny taona 2025, araka ny fanambaran’ny filohan’ny Oniversiten’Antananarivo, Pr Randrianasolo Rivoarison, ny faran’ny herinandro teo. 51, 74,% ny taham-pahafahana ankapobeny ; 69,66% ho an’ny fampianarana teknika. Ny sokajy L : 70,92%, manana ny taha ambony indrindra. Ny sokajy A2 kosa no nahazo ny taha ambany indrindra, 43,86%.
Ho an’ny sokajy C: 69,75%, OSE : 67,07%; A1: 54,61%, S: 53,24% ary ny sokajy D manana taha 51,50%, 32 078 ireo nahazo ny mari-pahaizana bakalorea ho an’ity taona ity, raha 61 997 no nisoratra anarana hiadina. Napetraka teny amin’ny foibem-panadinana ny anaran’ireo afaka rehetra, ny faran’ny herinandro teo.
31 no voasazy hiakatra conseil de disipline (Codis) nandritra ny fanatanterahana ny fanadinana, fepetra noraisina hanaporofoina fa madio ny fanadinana bakalorea eto Antananarivo.
“Hisokatra ny oniversite eto Antananarivo ho an’ireo mpiadina afaka ka maniry ny hanohy fianarana ambony. Hisy ny Salon de l’étudiant ny 3 sy 4 septambra ho avy izao, eny Ankatso, hampahafantarana ireo lalam-piofanana samihafa azon’ny tanora hisafidianana ho an’ny taom-pianarana vaovao”, hoy ny filohan’ny oniversite.
Vonjy
French