Tselatra

Fiara vaventy iray niteraka fitohanan’ny fifamoivoizana noho ny fahasimbana teny Ampitatafika, omaly tokony ho tamin’ny 3 ora sy 30 minitra. Voasakana nandritra ny ora 2 sy sasany teo ho eo ny fivezivezen’ny fiara, indrindra ny teo amin’ny lalana Anosizato mihazo an’Am­pitatafika. Nandray fepetra haingana hamerenana izany amin’ny laoniny ny mpitandro filaminana. Nalaina sy nen­tina tany amin’ny PPA Loharanombato ny taratasy momba ilay fiara.
Fasana roa novakian’ ny olon-dratsy tao Soa­navela, fokontany Tsimiamboholahy, kaominina Fihao­nana, omaly maraina. Lasan’ny mpanao ratsy ny razana miisa telo tao amin’ireo fasana. Tsikaritry ny mpandalo vao maraina ny fisokafan’ny fasana ka nampandre ny tompom-pasana lasibatra izy. Nidina ifotony nijery ny zava-nisy ny zandary miasa ao an-toerana. Nakorotan’izy ireo avokoa ny razana rehetra tao anatin’ny fasana. Nanentana ny mponina eny ifotony hanamafy ny fanaraha-maso ny fananany ny mpitandro filaminana.
Lehilahy iray voasambotry ny polisim-pirenena noho ny fitazomana basy vita gasy tany Tsiro­anomandidy, ny alatsinainy 07 septambra 2026 hariva teo. Hitan’ny mpitandro filaminana tao amin’ny toeram-ponenan’ny lehilahy 31 taona, mpanao biriky, avy ao amin’ny fokontany Miadankofeno, Tsiroanomandidy Fihaonana, ilay fitaovam-piadiana. Maro tamin’ireo trangana fanafihana tany an-toerana no nampiasana basy vita gasy tahaka itony ka antony hanaovan’ny mpitandro filaminana vaindohan-draharaha ny fanenjehana izany.