“Raha firenena manana fifandraisana ara-pitsarana amin’i Madagasikara ny mpampanoa lalàna na ny mpitsara mpanao famotorana tompon’ny antontan-taratasin’ady dia afa-manao fanadihadiana momba azy ireo. ” Io ny fanazavan’ny mpahay lalàna, i Clément Jaona, manoloana ny fahazoan’ny Tendrom-
pitsarana iadiana amin’ny kolilkoly (Pac) mitsara ireo mpitondra ambony teo aloha, araka ny fanapahan’ny Fitsarana avo momba ny lalàmpanorenana (HCC); eny, na any ivelany aza izy ireo. Ny
fitsarana eto Madagasikara no manoratra any amin’ny mpitsara mpanao famotorana any amin’izay firenena misy azy ireo: azo enjehina hatrany na aiza na aiza. Hanaovana didy fampisamborana iraisam-pirenena izy ireo amin’izany ary hanaovana famotorana. Izay vao mangataka ny famerenana an-tanindrazana. Atao izay raha vao misy fiaraha-miasa ara-pitsarana. Azo enjehina hatrany na milefa aza. Izay no anaovana ny Interpol, ohatra.
Mila mazava amin’ny vahoaka. Satria mpitondra ambony ireo olona ireo. Tokony ho Fitsarana avo (HCJ) no mitsara azy. Rehefa tonga tany amin’ny Pac ny raharaha, nangataka ny hevitry ny HCC izy: azony tsaraina sa tsia? Namaly ny HCC hoe azon’ny Pac tsaraina izy ireo. Satria heloka ivelan’ny asam-panjakana no anenjehana azy ireo. Tsy asam-panjakana ny fanaovana kolikoly sy ny fivarotana harem-pirenena tsy ara-dalàna. Raha asam-panjakana amin’ny maha mpitondra azy ireo ny raharaha vao mankany amin’ny HCJ. Mahafaingana ny raharaha ny fitsaran’ ny Pac azy ireo. Satria fitsarana ara-politika ny HCJ, fa mbola mandalo fankatoavan’ ny Antenimierampirenena ny fampiakaran-draharaha aminy. Fitsarana tsotra kosa ny an’ny Pac.
R. Nd.
French